Az.rasthaber.com xəbər verir ki, Dünya Bankı Türkiyə iqtisadiyyatı üçün artım gözləntisini 3,2 faizə qaldırdı.
Dünya Bankı Qlobal İqtisadi Perspektivlər Hesabatının iyun buraxılışını paylaşıb.
Hesabatda Türkiyə iqtisadiyyatının 2023-cü ildə 3,2 faiz, 2024-cü ildə 4,3 faiz, 2025-ci ildə isə 4,1 faiz inkişafı gözlənildiyi bildirilib.
Qeyd edək ki, Dünya Bankı yanvar ayında açıqladığı məlumatda Türkiyə iqtisadiyyatının 2023-cü ildə 2,7 faiz, 2024-cü ildə isə 4 faiz artacağını proqnozlaşdırmışdı.
Fevralın əvvəlində Türkiyənin iki böyük zəlzələ ilə sarsıldığını xatırladan hesabatda Türkiyənin Avropa və Mərkəzi Asiya bölgəsinin böyüməsinə əhəmiyyətli töhfələr verməyə davam etdiyi və iqtisadiyyatının 2023-cü ilin ilk rübündə də möhkəm qaldığı vurğulanıb.
