Danimarkanın baş naziri Frederiksen sionist İsrailin baş naziri Netanyahunu “problem” adlandırıb. Ölkəsinin İsrailə siyasi təzyiq göstərmək istədiyini bildirən Frederiksen, bu mövzuda hələ də Aİ ölkələrindən dəstək görmədiklərini bildirib.

Az.rasthaber.com xəbər verir ki, Avropa İttifaqına (Aİ) sədrlik edən Danimarkanın baş naziri Mette Frederiksen İsrailin Qəzza və İordan çayının qərb sahilindəki siyasətini sərt şəkildə tənqid edib. Ölkəsində nəşr olunan qəzetə müsahibəsində Frederiksen İsrailə təzyiqi artırmaq niyyətində olduqlarını bildirib.

Frederiksen sionist İsrailin siyasətləri ilə bağlı narahatlığını dilə gətirib: "Netanyahu öz başına problemə çevrilib. İsrail həddindən artıq irəli getməyə başlayıb".

Frederiksen ölkəsinin "Qəzza müharibəsi" üçün İsrailə təzyiq göstərəcəyini bəyan edərək, Qəzzada "tamamilə dəhşətli və fəlakətli" humanitar vəziyyəti və İordan çayının qərb sahilində yeni məskunlaşma layihələrini sərt şəkildə tənqid edib.

Frederiksen, Danimarkanın bu problemin həlli üçün müxtəlif variantları araşdırmaq istədiyini qeyd edərək, "Əvvəlcədən heç nəyi istisna etmirik. Rusiyada olduğu kimi, ən böyük təsirə malik olacağına inandığımız bölgələri hədəfə almaq üçün sanksiyaları planlaşdırırıq" dedi. Frederiksen əlavə edib ki, onlar “məskunlaşanlara, hökumət nazirlərinə və hətta İsrailə qarşı siyasi təzyiq və sanksiyalar” kimi variantları nəzərdən keçirməyi hədəfləyirlər.

Danimarkanın İsrailə təzyiq göstərmək cəhdlərinə baxmayaraq, hələ də Aİ ölkələrindən dəstək tapmadığı bildirilir. Bundan başqa, Danimarka Fələstini bir dövlət kimi tanımaq niyyətini açıqlayan ölkələr arasında deyil.