Bu haqda Çin Xalq Bankının sədr müavini Fan İfey keçirdiyi mətbuat konfransında bildirib
Rasthaber Azərbaycan Türkiyə mediasına istinadən xəbər verir ki, Çinin Mərkəzi Bankından yayılan açıqlamada ölkədəki koronavirus təhlükəsi ilə əlaqədar olaraq dövriyyəyə təzə əsginazlar buraxaraq, istifadə olunmuş kağız pulları yığıb 7-14 günlük karantinə yerləşdiriləcəyi bildirilib.
Çin Xalq Bankının sədr müavini Fan İfey keçirdiyi mətbuat konfransında bildirib ki, koronavirusun yayılmağa başlamasından sonra əhalinin nağd pullardan istifadəsi ilə bağlı təhlükəsizlik tədbirləri gücləndirilib.
“Yeni əsginazların əhali tərəfindən rahat əldə edildiyinə əmin olduqdan sonra 17 yanvar tarixinədək Çin Xalq Bankı ölkə boyu 600 milyard yuanadək yeni pulların yayılmasını təmin edib”, - Fan İfey əlavə edib.
O, həmçinin qeyd edib ki, Çində Yeni il bayramının başlamasından əvvəl (24 yanvar) Uhan şəhərinə 4 milyard yuanadək yeni əsginaz göndərilib.
Banklara daxil olan nağd pullar isə ultrabənövşəyi şüalarla işıqlandırılır, spirtlə dezinfeksiya edilir, 14 günlük karantinə yerləşdirilir
