İşğalçı İsrail ordusunun 7 oktyabr 2023-cü il tarixindən etibarən Qəzza zolağında həyata keçirdiyi hücumlarda şəhid olanların sayı 32 min 916-ya yüksəlib.

Az.rasthaber.com xəbər verir ki, Fələstin Səhiyyə Nazirliyinin Qəzza üzrə sözçüsü Əşrəf əl-Qudra açıqlamasında İsrailin Qəzza zolağında 179 gündür həyata keçirdiyi hücumlarda şəhid və yaralananların sayı barədə məlumat verib.

Kudra İsrail qüvvələrinin Qəzza zolağına son 24 saatda təşkil etdiyi hücumlarda daha 71 fələstinlinin şəhid olduğunu, 102 fələstinlinin isə yaralandığını bildirib.

Oktyabrın 7-dən etibarən sionist İsrailin Qəzza zolağına həyata keçirdiyi hücumlarda şəhidlərin sayının 32 min 916-ya yüksəldiyini bildirən Kudra, yaralıların sayının 75 min 494-ə çatdığını qeyd edib.

Səhiyyə Nazirliyinin sözçüsü Kudra, dağıntılar altında və yol kənarında hələ də ölənlərin olduğunu, lakin İsrail qüvvələrinin maneəsi səbəbilə tibb qrupları və mülki müdafiə işçilərinin cəsədlərə çata bilmədiyini vurğulayıb.