BMT Təhlükəsizlik Şurası Yəməndə tərəflərdən müvəqqəti atəşkəsin uzadılması üçün danışıqları sürətləndirməyi xahiş edib.

Az.rasthaber.com xəbər verir ki, Qətər mərkəzli Əl-Cəzirə telekanalının məlumatına görə, BMT Təhlükəsizlik Şurasından verilən yazılı açıqlamada, uzunmüddətli atəşkəs razılaşmasının Yəməndəki siyasi böhranın hərtərəfli həlli üçün lazımi fürsəti verdiyi bildirilib.

Yəmən böhranının hərbi yolla həllinin olmadığı vurğulanan bəyanatda Yəməndəki münaqişə tərəflərindən atəşkəsin uzadılması üçün danışıqların artırılması, danışıqlar prosesində şərtlərin qoyulmaması və BMT nümayəndəsi ilə əməkdaşlıq tələb olunduğu vurğulanıb.