ABŞ prezidenti Co Bayden bildirib ki, noyabrın 8-də keçiriləcək aralıq seçkilərdə respublikaçılar həm Senatda, həm də Nümayəndələr Palatasında səs çoxluğu qazansalar, ona qarşı impiçment prosesini başladacaqlar.
Az.rasthaber.com xəbər verir ki, ABŞ prezidenti Co Bayden Kaliforniyanın San Dieqo şəhərində qatıldığı tədbirdəki çıxışında noyabrın 8-də keçiriləcək Konqresə ara seçkiləri ilə bağlı açıqlamalar verib.
Noyabrın 8-də ölkədə keçiriləcək Konqresə ara seçkilərinin həyati əhəmiyyət daşıdığını bildirən demokrat Bayden respublikaçıları günahlandırıb.
"Eşitdim ki, Respublikaçılar Nümayəndələr Palatasında və Senatda qalib gəlsələr, məni impiçment edəcəklər. Məni niyə işdən çıxaracaqlarını bilmirəm", - Bayden deyib.
ABŞ-da aparılan sorğunun nəticələrinə görə, Respublikaçıların Nümayəndələr Palatasında çoxluğu qazanacağı dəqiq hesab edilsə də, Senatda “yüksək ehtimalla” çoxluğu qazanacağı gözlənilir.
Noyabrın 8-də keçiriləcək aralıq seçkilərində amerikalılar Nümayəndələr Palatasındakı 435 yerin hamısı və Senatdakı 100 yerdən 35-i, həmçinin öz ştatlarında qubernator və digər yerli vəzifələr üçün səsvermədə iştirak edəcəklər.
