ABŞ qaz və ərzaq qiymətlərinin artması ilə yanaşı rekord inflyasiya fonunda Ağ Ev Ukraynanı dəstəkləmək üçün milyardlar xərcləməyə üstünlük verir.

Az.rasthaber.com SalamNews-a istinadən xəbər verir ki, bunu "Fox News"un aparıcısı Taker Karlson deyib. 

Onun sözlərinə görə, ABŞ prezidenti Co Bayden artıq Kiyevə kömək üçün 40 milyard dolların ayrılmasını təsdiqləyib və bununla kifayətlənmək niyyətində deyil.

"Bayden, "demokratiya" adına sizə və ya başqa bir amerikalıya deyil, Ukraynaya yardım paketi üçün 40 milyard dollarlıq çek imzaladı. Və bu pul Ukraynanın korrupsioner və avtoritar hökumətini maliyyələşdirmək üçün sonsuz öhdəliyin yalnız başlanğıcıdır", deyə Karlson vurğulayıb. 

Teleaparıcının nöqteyi-nəzərindən Baydenin hərəkətlərini biabırçılıq adlandırmaq olar. Belə ki, qonşu Meksikanın hakimiyyət orqanları öz vətəndaşlarını nəzərə alsaq, daxili yanacaq qiymətlərinin aşağı salınması üçün 2 milyard dollar ayırmaq qərarına gəlib. 

Eyni zamanda, Karlson onu da vurğulayıb ki, bir qallon (təxminən 3,8 litr) benzin meksikalılar üçün 3 dollardan bir qədər bahadır, ABŞ-da isə sözügedən yanacağın dəyəri artıq 4,7 dolları keçib.