Vladimir Putin ABŞ-ın əmrlərindən tamamilə asılı olan və bu ölkənin bütün sifarişlərini yerinə yetirməyə hazır olan bir çox avropalı siyasətçilərin davranışını ələ salıb.

Az.rasthaber.com xəbər verir ki, Tass xəbər agentliyinin məlumatına görə, bunu Rusiya prezidenti Vladimir Putin televiziyaya müsahibəsində deyib: "“Bəzən mənə elə gəlir ki, Avropa siyasətçiləri Atlantik okeanının o tayından onlara nə deyirlərsə, onu da edirlər”.

Rusiya prezidenti vəziyyəti tam ona göründüyü kimi təsvir etdiyini vurğulayıb.

Putin əlavə edib: "Əgər sabah avropalı siyasətçilərə desələr ki, hamınızı asmaq qərarına gəldik, onlar başlarını aşağı salıb, yalnız bir sual verməklə cəsarətlərini göstərməyə çalışacaqlar: Bizi milli istehsalın kəndirləri iləmi asacaqlar?"

Rusiya prezidenti sözünə davam edərək deyib: "Ancaq o zaman da uğursuz olacaqlar və düşünürəm ki, məyus olacaqlar, çünki çox güman ki, amerikalılar öz sənayelərinin istehsal etdiyi kəndirlərdən istifadə etməkdə israr edəcəklər".