Beynəlxalq Atom Enerjisi Agentliyi agentliklə əlaqələrini rəsmən dayandıran İrandan müfəttişlərini geri çağırıb.
Az.rasthaber.com xəbər verir ki, qarşılıqlı addım, ABŞ-ın da iştirak etdiyi İsraillə 12 günlük müharibədən sonra İranın BMT-nin nüvə təftiş agentliyi olan Beynəlxalq Atom Enerjisi Agentliyi (MAQATE) ilə əməkdaşlığı rəsmən dayandırdıqdan sonra atılıb.
MAQATE-nin bəyanatında qeyd olunub ki, BMT əməkdaşları Tehrandan Vyanaya yola düşüb.
Komandanın İsrail-İran müharibəsi səbəbindən təhlükəsizlik səbəbi ilə Tehranı tərk edə bilməyəcəyi vurğulanıb.
MAQATE-nin direktoru Rafael Qrossi deyib: "İranda yoxlama fəaliyyətlərini mümkün qədər tez bərpa etmək üçün İranla görüşməyimiz həyati əhəmiyyət kəsb edir".
Qeyd edək ki, Tehran administrasiyası ABŞ və İsrailin nüvə obyektlərinə hücumlarından sonra Beynəlxalq Atom Enerjisi Agentliyi ilə əməkdaşlığı dayandırmaq qərarına gəlib.
