ABŞ Kəşfiyyat Birliyinin illik təhdid qiymətləndirməsi hesabatında Fələstinin müqavimət qrupu Həmasın məğlub edilmədiyi və Qəzzada güclü olaraq qaldığı etiraf edilib.

Az.rasthaber.com xəbər verir ki, hesabatda HƏMAS-ın döyüşçülərini və infrastrukturunu böyük ölçüdə qoruduğu, Qəzzada xalq dəstəyinin azaldığı, lakin Qərb Sahilində xüsusilə Fələstin Muxtariyyəti ilə müqayisədə yüksək səviyyədə qaldığı qeyd edilib.

İRNA-nın məlumatına görə, qurum HƏMAS-ın minlərlə döyüşçüsü və böyük yeraltı infrastruktura malik olduğunu və mümkün atəşkəsdən hərbi gücünü bərpa etmək və sursat ehtiyatlarını artırmaq üçün istifadə edə biləcəyini bildirib.

ABŞ kəşfiyyatının qiymətləndirməsi, HƏMAS-ın gələcəkdə aşağı intensivlikli partizan üsyanını davam etdirəcəyini və Qəzzada siyasi cəhətdən dominant aktyor olaraq qalacağını proqnozlaşdırır.