İraqlı müqavimət qrupu, Ərbil şəhərindəki ABŞ hərbi bazasına döyüş pilotsuz uçuş aparatı (PUA) ilə hücum etdiyini bildirib.

Rasthaber Azərbaycan İran mediasına istinadən məlumatına əsasən,"Liva Əl-Sairin" adlı müqavimət qrupu informasiya portalında bir bəyanat yayaraq, ABŞ-ın Ərbil şəhərindəki Əl-Hərir bazasına hücumun məsuliyyətini üzərinə götürüb.

"Liva Əl-Sairin" briqadasının bəyanatında "İraq Kürdistanındakı Ərbil şəhərindəki Əl-Hərir bazasını, qorxaq ABŞ işğalçılarının, casuslarının və muzdlularının sığındıqları yerləri hədəfə almaq üçün əməliyyat həyata keçiririk", -deyə qeyd olunub.

Məlumata əsasən, cümə (23 iyul) günü səhər saat 2-də döyüş PUA-sı ilə həyata keçirilən bu hücumda ABŞ hərbçilərinin təchizatlarına ziyan dəyib. 

İraqdakı Ərbil hava limanındakı ABŞ bazası bundan əvvəl dəfələrlə iraqlı müqavimət qrupları tərəfindən raket və PUA hücumlarının hədəfinə çevrilib.