İraq Silahlı Qüvvələri Komandanlığının sözçüsü Yəhya Rəsul ABŞ və beynəlxalq koalisiyanın İraqdakı hərbi mövcudluğunun dayandırılması istiqamətində aparılan danışıqlarda irəliləyiş əldə olunduğunu açıqlayıb.

Az.rasthaber.com xəbər verir ki, Yəhya Rəsul bəyan edib ki, İraq hökuməti beynəlxalq koalisiya müşavirlərinin yerləşdiyi İraq hərbi bazalarına hücumların qarşısını almaqda böyük ölçüdə uğur qazanıb.

Müzakirə komitələrinin beynəlxalq koalisiyaya vəzifələrin ötürülməsində mühüm irəliləyiş əldə etdiyini vurğulayan İraq Silahlı Qüvvələr Komandanlığının sözçüsü, İraq hökumətinin son vaxtlar beynəlxalq koalisiya qüvvələrinin və ya İraq hərbi bazalarına hücumların qarşısını almaq üçün ciddi iş gördüyünü bildirib.

Beynəlxalq koalisiyanın vəzifəsinin təhvil verilməsinin İraqla ABŞ arasında yaxşı münasibətlərin qurulması istiqamətində bir addım olduğu və bunun ABŞ-ın yeni koalisiyanın missiyası çərçivəsində İraqdakı hərbi mövcudluğunun sona çatması demək olduğu bildirilib.