İsrailin yaratdığı çətinlik və maneələrə baxmayaraq, təxminən 80 min fələstinli Ramazan ayının ilk cümə namazını Əqsa məscidində qılıb.

Az.rasthaber.com xəbər verir ki, səhər saatlarından on minlərlə fələstinli İordan çayının qərb sahili ilə Qüds arasındakı hərbi keçid məntəqələrini keçərək Əqsaya doğru istiqamət alıb. Saatlarla davam edən yoldan sonra piyada Əqsa məscidinə çatan fələstinlilər Ramazan ayının ilk cümə namazını orada qılıblar.

80 min fələstinli cümə namazını Əqsa məscidində qılıb.

Əqsa məscidinin imamı Şeyx İkrimə Səbri cümə xütbəsində İsrailin qadağalarına baxmayaraq, Əqsaya axın edənləri tərifləyib.

Səbri müsəlmanları Əqsa məscidinə gəlməyə çağırışını təkrarladı.

Cümə namazı qılmaq üçün Əqsa məscidinə getmək istəyən fələstinlilərin şəxsiyyət vəsiqəsini yoxlayan İsrail polisi xüsusilə müəyyən yaş qrupundan aşağı olan bir çox fələstinlini dəmir baryerlərdən keçirərək geri qaytarıb.

Qeyd edək ki, Şərqi Qüds və İordan çayının qərb sahili 1967-ci ildən İsrailin işğalı altındadır.