Sionist İsrailin qadağalarına baxmayaraq, işğal altındakı Şərqi Qüdsdəki Əl-Əqsa məscidində 60 min müsəlman Fitr bayramı namazını qılıb.

Az.rasthaber.com xəbər verir ki, Qüds İslam Vəqfləri İdarəsindən verilən yazılı açıqlamada Məscidül-Əqsada cümə namazının 60 mindən çox müsəlmanın iştirakı ilə qılındığı bildirilib.

Yağışlı havaya baxmayaraq, səhər namazı saatlarından başlayaraq minlərlə müsəlman Əl-Əqsaya axışıb.

AA xəbərinə görə, İsrail polisi səhər saatlarından etibarən Məscidül-Əqsaya ev sahibliyi edən İçəri Şəhərin ətrafına dəmir baryerlərlə yerləşdirilib.

Bab'ul Esbat (Aslan Qapısı) və Məscidül-Əqsanın digər qapılarında İsrail polisi bəzi fələstinlilərin şəxsiyyət vəsiqələrini yoxladıqdan sonra əl-Əqsaya daxil olmasına icazə verməyib və bu fələstinliləri nəzarət-buraxılış məntəqələrindən uzaqlaşdırıb.

İsrail polisi tərəfindən geri qaytarılan fələstinlilər Əqsa xaricində İçəri Şəhərin müxtəlif yerlərində yollarda namaz qılıb.

Səhər namazından başlayaraq Şərqi Qüds küçələrinə çoxlu sayda təhlükəsizlik qüvvəsi yeridilib və Köhnə Şəhər ərazisi ətrafındakı bir çox küçə bağlanıb.

İsrail rejimi işğal altındakı İordan çayının qərb sahilindən yalnız məhdud sayda müsəlmana Əl-Əqsa məscidində cümə namazı qılmağa icazə verib.