Son 6 ayda Əfqanıstandan İrana 1 milyon miqrant gəlib.

Az.rasthaber.com IRNA-ya istinadən xəbər verir ki, Əfqanıstanın özəl nəqliyyat şirkətinin rəhbəri İsmayıl Cavabmərd bildirib ki, hər gün İrana təxminən 4 min əfqanıstanlı mühacirət edir.

"Əfqanlar yoxsulluq, işsizlik və iş və təhsil imkanlarının olmamasına görə Əfqanıstandan İran və Pakistana gedirlər", - deyə o qeyd edib.

Onun sözlərinə görə, hər gün 3500-4000 insan Kabildən Qəndəhar, Nimruz və Herat əyalətlərinə köçür.

"ABŞ qoşunlarının çıxarılmasından və Əfqanıstan hökumətinin süqutundan sonra bir milyona yaxın əfqan Əfqanıstanın cənub-qərb sərhədindən İrana gəlib", - deyə əlavə edilib.

Xatırladaq ki, hazırda Qərb sanksiyaları səbəbi ilə Əfqanıstanda iqtisadi və humanitar böhran yaşanır.