Ərəbistan yarımadasında 13 əsr öncə tikilmiş əl-Səfa məscidi bərpa ediləcək.

Az.rasthaber.com “The National”-a istinadən xəbər verir ki, qədimi müsəlman ibadətgahının təmiri 2018-ci ildə başladılmış tarixi məscidlərin inkişafı layihəsi çərçivəsində baş tutacaq.

Layihə çərçivəsində ölkədə ümumilikdə tarixi və dini əhəmiyyətli 130 məscid bərpa ediləcək.

Qeyd edək ki, müasir Səudiyyə Ərəbistanının əl-Bəha bölgəsinin Bəlcuraşi əyalətində yerləşən əl-Səfa məscidi ölkə ərazisindəki ən qədimi məscidlərdən biridir. Məscidin sahəsi təxminən 78 m²-dir və orada eyni anda təqribən 30 nəfər ibadət edə bilər.