İrandan “ardıcıl cavab” mesajı
İran rəhbərliyinin müşaviri Əli Əkbər Vilayəti bildirib ki, Beyrutun cənubuna edilən hücumdan sonra İranın cavab mərhələsi artıq başlayıb.
Vilayəti qeyd edib ki, işğalçı İsrailin atəşkəsi pozaraq Beyruta zərbə endirməsi Tehran tərəfindən “açıq təxribat” kimi qiymətləndirilir.
“Yeni balans yaranacaq”
İranlı siyasətçi açıqlamasında bildirib ki, bölgədə formalaşan yeni vəziyyət qarşı tərəfə yeni təhlükəsizlik balansını qəbul etdirə bilər.
Onun sözlərinə görə, “müqavimət oxu” həm Hörmüz boğazına, həm də Bab əl-Məndəb boğazına təsir imkanına malikdir.
“Boğazların bağlanması mümkündür”
Vilayəti vurğulayıb ki, hazırda Bab əl-Məndəbdə müşahidə olunan nisbi sabitlik qarşı tərəfi yanlış hesablamalara aparmamalıdır.
O bildirib ki, bölgədəki qüvvələr strateji dəniz keçidlərini bağlamaq imkanına sahibdirlər.
“Ya geri çəkiləcəklər, ya da yeni reallıq yaranacaq”
İran rəsmisi bəyan edib ki, qarşı tərəfin qarşısında iki seçim var: ya hücumları dayandırmaq, ya da yeni hərbi-siyasi balansın formalaşmasını qəbul etmək.
Son günlər İran və sionist rejim arasında qarşılıqlı raket hücumları
