İtaliyanın sanksiya çağırışı
İtaliya hökuməti İtmar Ben Qvir-ə qarşı Avropa Birliyi səviyyəsində sanksiya tətbiq edilməsini tələb edib. Bu addım, Qəzza istiqamətində yola çıxan “Azadlıq Donanması” aktivistlərinin saxlanması və onlara qarşı edilən zorakılıq və alçaldıcı davranışlarla bağlıdır.
İtaliya Xarici İşlər Naziri Antonio Tajani bildirib ki, Ben Gvirə qarşı sanksiya tələbi “Azadlıq Donanması üzərində edilən qəbuledilməz hərəkətlər, aktivistlərin beynəlxalq sularda saxlanması və onlara qarşı alçaldıcı davranış” səbəbindən irəli sürülüb. Nazir bu hərəkətləri “əsas insan hüquqlarının kobud şəkildə pozulması” kimi qiymətləndirib.
Donanmanın hərəkəti və saxlanma vəziyyəti
“Qlobal Səbat Donanması” qayıqları üçüncü dəfə ötən cümə axşamı Türkiyənin cənubundan Qəzzaya humanitar yardımlar çatdırmaq məqsədilə yola çıxıb. Bundan əvvəlki iki cəhd işğalçı rejim tərəfindən beynəlxalq sularda qarşısı alınmışdı.
Bu səfər zamanı 54 gəmi iştirak edib və üzərlərində 70 ölkədən 426 aktivist və dəstəkçi olub. Saxlanmış aktivistlər haqqında yayılan videoda onların dizləri üstə oturaraq, əlləri bağlı və alnı yerə qoyulmuş halda göstərildiyi qeyd olunub.
