Səna bir sıra ölkələrin bəyanatlarını tənqid edib
Ənsərullahın Xarici İşlər Nazirliyi Yəmən Silahlı Qüvvələrinin son tədbirlərini pisləyən bir sıra ölkələrin açıqlamalarına münasibət bildirib.
Nazirliyin yaydığı bəyanatda qeyd olunub ki, həmin ölkələrin açıqlamaları Yəmənə qarşı uzun illərdir tətbiq olunduğunu bildirdiyi blokadanı nəzərə almır və oxşar məzmun daşıyır.
“Yəmənə tətbiq edilən blokada niyə görməzlikdən gəlinir?”
Xarici İşlər Nazirliyi bəyanatında sual edib ki, bu mövqeni dəstəkləyən dövlətlər öz ölkələrinin hava limanlarının bağlanmasını, limanlarının fəaliyyətinin məhdudlaşdırılmasını və xarici ticarətin başqa bir dövlətin icazəsindən asılı olmasını qəbul edərdilərmi?
Ənsarullah, Səudiyyə Ərəbistanının Yəmənə tətbiq etdiyi blokada Yəmən xalqının qanuni hüquqlarını pozur və beynəlxalq ictimaiyyət buna lazımi münasibət göstərmir.
“Fələstini tək qoyanlardan bunu gözləmirik”
Nazirlik bəyan edib ki, Yəmən beynəlxalq ictimaiyyətdən mütləq dəstək gözləmir.
Açıqlamada bildirilir ki, Fələstin məsələsində lazımi mövqe sərgiləməyən dövlətlərin Yəmənlə bağlı fərqli davranacağına inanılmır.
Atəşkəsin başa çatdığı açıqlanmışdı
Son günlər Ənsarullah 2022-ci ildən qüvvədə olan atəşkəsin başa çatdığını elan edib.
Bu qərarın Səudiyyə Ərəbistanının Səna Beynəlxalq Hava Limanını hədəfə alması və İran təyyarəsinin enişindən sonra baş verdiyi bildirilir.
Dəniz blokadası elan olunub
Yəmən Silahlı Qüvvələri bundan sonra “blokadaya blokada ilə cavab” prinsipi çərçivəsində Səudiyyə Ərəbistanına qarşı dəniz blokadası tətbiq etdiyini açıqlayıb.
Sənadakı hökumət bəyan edir ki, bu tədbirlər Səudiyyə Ərəbistanının Yəmənə tətbiq etdiyi blokada aradan qaldırılanadək davam edəcək.
