Barcelona El-Klasikoda çempionluğu təmin etdi
İspaniya La Liqasının 35-ci turunda Barcelona doğma meydanda əzəli rəqibi Real Madridi 2-0 hesabı ilə məğlub edib və çempionluğunu rəsmən elan edib.
“Kamp Nou” stadionunda keçirilən qarşılaşmada kataloniyalılar oyuna sürətli başlayıblar.
Qollar ilk hissədə vuruldu
Barcelona hesabı 9-cu dəqiqədə Markus Reşfordun qolu ilə açıb.
18-ci dəqiqədə Ferran Torres fərqi artıraraq komandasını rahat üstünlüyə daşıyıb.
İkinci hissədə hər iki komanda qol imkanları yaratsa da, hesab dəyişməyib və qarşılaşma 2-0 hesabı ilə başa çatıb.
Barcelona ardıcıl ikinci dəfə çempion oldu
Bu nəticə ilə Barcelona xallarını 91-ə yüksəldib və mövsümün bitməsinə 3 tur qalmış La Liqada 29-cu çempionluğunu təmin edib.
Kataloniya təmsilçisi eyni zamanda ardıcıl ikinci mövsüm İspaniya çempionu adını qazanıb.
Real Madrid isə turnir cədvəlində əsas rəqibindən 14 xal geri qalıb.
