Berlin İmam Rza Mərkəzinin alimi Şeyx Səbahətdin Türkyılmazdan açıqlama

Şiə fiqhinin prinsipləri və ictihadı indiyə qədər İslamı canlı və dinamik saxlamışdır. Bu, böyük bir fəxrdir.

 

Şiə məktəbinin fiqhi böyük bir sərvət və şəriətin inkişafı, cəmiyyətin təkamülü üçün dəyərli bir xəzinədir. Bu sərmayə nə bahasına olursa olsun qorunmalıdır.

 

İctihad nəticəsində məzhəb daxilində fərqli fətvaların mövcud olması elmi və fiqhi olduğu kimi, məzhəblər arasında fətva fərqliliyinin olması da təbiidir.

 

Bu fiqhi fərqliliyi cəmiyyətdə “ayrılıq səbəbi” kimi görən və məzhəblər arasında “ixtilaf” kimi qəbul edən kimsə nə fiqh anlayışına malikdir, nə də şəriətin hikmətini dərk etmişdir.

 

Milli, ölkə səviyyəsində və qlobal maraqları dini məsləhətlərlə qarışdırmaq cahilliyin məhsuludur.

 

İslam ümmətinin vəhdəti ən böyük vaciblərdəndir; lakin bu vəhdətdən məqsəd milli, ölkə səviyyəsində və qlobal birlik deyil. Milli birlik öz yerində dəyərli və təmin edilməsi vacib olsa da, İslam ümmətinin vəhdətinin kölgəsindədir.

 

Hər şey İslam ümmətinin vəhdəti və birliyi üçün fəda edilə bilər, amma şəriət, din və fiqh heç nəyə fəda edilə bilməz.

 

Qeybət dövründə bayram namazı “müstəhəb/sünnət” bəhanəsi ilə…

Və ya Şiə fiqhinə görə əməl edilsə, “ixtilaf və fitnə yaranar” uydurma arqumenti ilə…

Və ya həqiqətdən uzaq olan “milli vəhdət və birlik yaratmaq” bəhanəsi ilə bayram olmayan gündə rəcə niyyəti ilə qılınması, Şiə fiqhini təhrif etməkdir.

 

Şiə fiqhinə görə bayram namazı heç bir bəhanəyə ehtiyac olmadan artıq rəcə niyyəti ilə qılınır.

 

Şiə cəmiyyəti harada yaşamasından asılı olmayaraq, Şiə məktəbinin fiqhi hökmlərinə və müctəhidlərinin fətvalarına bağlı bir toplum kimi, Şiə fiqhini təhrif edən bu alimlərə layiqli cavab verəcəkdir.

 

Allah bizləri dini, şəriəti və fiqhi təhrif edən cahillərdən olmaqdan qorusun!