Yəmənin Səhiyyə Nazirliyi sionist İsrailin ölkənin qərbindəki Səna və Hudeydə şəhərlərinə həyata keçirdiyi hücumlarda şəhid olanların sayının 6-ya yüksəldiyini açıqlayıb.

Az.rasthaber.com xəbər verir ki, SABA xəbər agentliyinin məlumatına görə, Yəmən Səhiyyə Nazirliyinin bəyanatında bildirilib:

“Sionistlərin Səna Beynəlxalq Hava Limanına hücumu nəticəsində 3 nəfər şəhid olub, 30 nəfər yaralanıb. Sionistlərin Hudeydə vilayətinə hücumu nəticəsində 3 nəfər şəhid olub, 10 nəfər yaralanıb.”.

Bundan əvvəl Səna və Hudeydə mənbələri bildirmişdilər ki, qatil İsrail qırıcıları Sənanın şimalındakı Əl-Dələimi hava bazası və beynəlxalq hava limanına, Hudeydanın şimal və cənubundakı elektrik stansiyalarına hücum edib. Bir sıra limanların, xüsusilə Hudeydadakı Ras-İssa neft limanının zədələndiyi bildirilib.