Yəmən silahlı qüvvələrinin sözçüsü briqada generalı Yəhya Seri Yəmən donanmasının İsrail gəmilərinə qarşı yeni əməliyyatlarının təfərrüatlarını açıqlayıb.
Az.rasthaber.com xəbər verir ki, Yəhya Seri bu açıqlamaları verib: “Yəmən Hərbi Dəniz Qüvvələri işğal olunmuş Fələstin limanlarına doğru hərəkət edən CMA CGM TAGE gəmisini hədəf alıb. Əməliyyat gəminin heyətinin Yəmən dəniz qüvvələrinin çoxsaylı xəbərdarlıqlarına cavab verməkdən imtina etməsindən sonra həyata keçirilib.
Fələstin xalqının ehtiyac duyduğu qida və dərmanlar Qəzza zolağına daxil olmadığı müddətcə, Qırmızı dəniz və Oman dənizlərindəki işğal olunmuş Fələstin limanlarına gedən İsrail gəmilərinin və ya gəmilərinin keçidini əngəlləməyə davam edəcəyik.
Amerikalıların istənilən hücumu cəzasız qalmayacaq. “Yəmən silahlı qüvvələri düşmən ABŞ və digərlərini İsrailin ticarət gəmilərini qorumaq üçün görünən hər hansı hücum və ya hərəkətə qarşı xəbərdarlıq edir”.
Yəmən Silahlı Qüvvələrinin sözçüsü briqada generalı Yəhya Seri açıqlamasının sonunda mücahid komandiri Salih əl-Aruri və yoldaşlarının şəhadəti ilə bağlı İslami Müqavimət Hərəkatı HƏMAS-a təbrik və başsağlığı verib.
Bu əməliyyat Yəmən ordusunun Qırmızı dəniz və Oman dənizi üzərindən İsrail rejiminin maraqlarına qarşı dəniz əməliyyatları çərçivəsində 14-cü hərəkətidir. Yəmən silahlı qüvvələri Qəzza zolağında müharibəni dayandırmaq və Fələstinin müqavimət qruplarına kömək etmək məqsədilə 19 noyabr 2023-cü ildən İsrail gəmiləri və onlara bağlı gəmilərə qarşı dəniz əməliyyatlarına başlayıb.
