Birləşmiş Millətlər Təşkilatına bağlı UNRWA Qəzzada davam edən qarşıdurmanın uşaqlar üzərində dağıdıcı təsirlərə malik olduğunu açıqlayıb. Agentliyin məlumatına görə, son 20 ayda 50 min uşaq ya həyatını itirib, ya da yaralanıb.

Az.rasthaber.com xəbər verir ki, Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) Qəzza zolağında 20 aydır davam edən münaqişənin bədəlini uşaqların ödədiyini bildirib.

Agentliyin bəyanatına əsasən, sionist İsrailin davam edən hərbi əməliyyatları nəticəsində bölgədə azı 50 min uşaq ya həyatını itirib, ya da yaralanıb.

UNRWA-nın X hesabında paylaşılan bir yazıya görə, UNRWA-nın kommunikasiya direktoru Juliette Touma Qəzza ilə bağlı İrlandiya mətbuatına açıqlama verib.

Touma deyib: "Cəmi 20 ayda 50.000 oğlan və qız öldürülüb və ya yaralanıb".

UNRWA-nın Kommunikasiya Direktoru Touma vurğulayıb ki, təkcə bu, bütün dünyanı şoka salmaq və sionist İsrailin hücumlarını dayandırmaq üçün daha çox səfərbər olmaq üçün kifayətdir.

UNRWA-nın yazısında bildirilib ki, Qəzza zolağında mülki şəxslər, o cümlədən uşaqlar, humanitar və səhiyyə işçiləri, ilk yardım işçiləri və jurnalistlər hələ də həlak olub və yaralanıb.

Yazıda bu ifadələr də yer alıb: “Qəzzada heç kim təhlükəsiz deyil, heç bir fərqi yoxdur, heç bir yer təhlükəsiz deyil”.

Yanvarın 19-da Qəzza zolağında qüvvəyə minən atəşkəsdən sonra soyqırım törədən İsrail ordusu martın 18-i səhər zorakı hücumlarını bərpa edib.

Sionist İsrail ordusu yenidən hücumlara başladıqdan sonra əksəriyyəti qoca, qadın və uşaq olmaqla 4201 fələstinli həyatını itirib, 12 min 652 nəfər isə yaralanıb.

Qeyd edək ki, qatil İsrailin 7 oktyabr 2023-cü il tarixindən etibarən Qəzza zolağına başlatdığı hücumlarda həyatını itirən fələstinlilərin sayı 54 min 470, yaralıların sayı isə 124 min 693-ə yüksəlib.

Sionist İsrail ordusu Qəzza zolağının işğalını genişləndirəcək və daimi edəcək hücum planını həyata keçirməyə başlayıb. Baş nazir Benyamin Netanyahu Qəzza zolağının hamısını işğal edəcəklərini açıqlayıb.

Plana görə, qatil İsrail ordusu Qəzza zolağını daimi olaraq işğal edəcək və fələstinlilər Qəzzanın cənubundakı “konsentrasiya düşərgələrinə” deportasiya ediləcək. İsrail fələstinlilərə konslagerlərdə "həyatda qalmaq" üçün kifayət qədər humanitar yardım verəcək.

Sionist israilli nazirlər Qəzza zolağında toxunulmaz qalan hər şeyi məhv edəcəklərini və fələstinliləri əvvəlcə cənuba, sonra isə digər ölkələrə deportasiya etməyi planlaşdırdıqlarını açıqlayıblar.