Az.rasthaber.com "Sputnik Azərbaycan"a istinadən xəbər verir ki, belə bir bəyanatla Rusiyanın ABŞ-dakı səfiri Anatoli Antonov Şiller İnstitutunun onlayn konfransı zamanı bildirib.

Konfrans “bütün dövlətlər üçün yeni təhlükəsizlik və inkişaf arxitekturasının yaradılması” mövzusuna həsr olunub.

“Bu gün Kiyevin qeyri-nüvə statusunu və onun kütləvi qırğın silahlarının yayılmamasına dair beynəlxalq müqavilələrə sadiqliyini möhkəmləndirmək üçün Ukraynanın denasifikasiyası və demilitarizasiyasına nail olmaq son dərəcə vacibdir”, - deyə Antonov bildirib.

"Biz Nüvə Silahlarının Yayılmaması haqqında Müqavilənin pozulmasının qarşısını almaq üçün hər şeyi etməliyik. Rusiyaya Ukrayna ərazisindən gələn heç bir təhlükə olmamalıdır", - deyə o vurğulayıb.