Türkiyədə koronavirusa yoluxan xəstələrdən biri vəfat edib

Rasthaber Azərbaycan TRT-yə istinadən xəbər verir ki, Türkiyədə koronavirusa yoluxan xəstələrdən biri dünyasını dəyişib.

Məlumata görə, vəfat edən şəxs 89 yaşlı kişi olub. Bu haqda Türkiyənin Səhiyyə naziri Fəxrəddin Koca bildirib.

Qeyd edilir ki, Türkiyədə ümumi yoluxma sayı 98-ə çatıb.

Səhiyyə naziri Fəxrəddin Koca bununla bağlı açıqlamasında bildirib ki, həyatını itirən 89 yaşlı kişiyə virus Çin əsilli bir işçisindən yoluxub.

"Daha 51 nəfərdə koronavirus testlərinin nəticələri müsbət çıxdı, nəticələri müsbət olan xəstələr arasında müalicəyə tabe olanlar da var.", - deyə nazir bildirib.

Nazir ayrıca əhaliyə təbirlərə əməl etmələrini və bir ay yarım, iki ay bu vəziyyətə dözmələrini istədi.