İstanbulda terror aktı törətmək istəyən şəxs ələ keçirilib.

Az.rasthaber.com xəbər verir ki, İŞİD terror təşkilatının İstanbul şəhərində bomba partlatmağa hazırlaşan üzvü saxlanılıb.

Həmin terrorçu Bağcılar rayonunda gizləndiyi məkanda tutulub.

Ona xaricdə terror təşkilatı tərəfindən partlayıcılarla bağlı təlim keçildiyi, onun Türkiyə ərazisinə isə qeyri-qanuni şəkildə gəldiyi qeyd edilib.

Axtarış nəticəsində qaldığı evdən sənədlər, materiallar, həmçinin qılınc aşkar edilib.

O, terror təşkilatına üzv olmaq maddəsi ilə həbs edilib.