Suriyanın "Ağ Dəbilqələr" kimi tanınan könüllülər qrupunun qurulmasına yardım etmiş keçmiş ingilis hərbçisi hündürlükdən yıxılaraq həyatını itirib
Rasthaber Azərbaycan xəbər verir ki, James Le Mesurier 2019-cu ilin noyabrın 11-də İstanbulun Beyoğlu bölgəsindəki mənzilinin pəncərəsinın altında, küçədə ölü tapılıb.
Ölüm sonrası müayinənin ardınca bildirilib ki, ölümün səbəbi "hündürlükdən düşmə ilə əlaqəli ümumi bədən travmasıdır", bazar ertəsi dövlət televiziyası TRT-də deyilib.
"Başqa şəxsə aid heç bir DNT nümunəsi tapılmayıb", televiziya bildirib.
Özəl NTV xəbər kanalı bildirib ki, toksikoloji hesabat 48 yaşlı Le Mesurier-nin yuxu həbi qəbul etdiyini göstərib.
Ötən həftə Anadolu dövlət xəbər agentliyi yazıb ki, həyat yoldaşı Emma Winberg polisə Le Mesurier-nin ölümündən bir neçə gün əvvəl intihar barədə düşündüyünü və "stres pozğunluğu" üçün dərman qəbul etməyə başladığını deyib.
"O, Le Mesurier-nin öldüyü gün gecə saatlarında yuxu həbi aldığını söyləyib", agentlik polisə istinadən yazıb.
Cənab Le Mesurier əsasən Suriyanın "Ağ Dəbilqələr" kimi tanınan könüllülər qrupunun banisi hesab olunurdu.
Qrup 2016-cı ildə Nobel Sülh Mükafatına namizəd olub.
Lakin Suriya hökuməti və müttəfiqləri Rusiya və İran "Ağ dəbilqələri" terrorçu qruplara kömək etməkdə günahlandırılar. Təşkilat isə bu ittihamları rədd edir. - BBC deyir.
Ölümündən bir həftə əvvəl Rusiya Xarici İşlər Nazirliyi Le Mesurier-ni İngiltərənin Gizli Kəşfiyyat Xidmətinin keçmiş agenti olmaqda günahlandırıb.
İngiltərənin BMT-dəki səfiri iddianı "qəti şəkildə" təkzib edib.
