Media mənbələri Suriyanın Əl-Qamışlı şəhərinin ətraflarında bir kəndin sakinlərinin Amerika hərbi karvanının onların kəndlərinə daxil olmasına mane olduqlarını açıqlayıb.

Az.rasthaber.com xəbər verir ki, Qamışlı ətrafında yerləşən “El-Boladiye” kəndinin əhalisi yaşadıqları kəndə daxil olmaq istəyən ABŞ konvoyunun qarşısını alıb və ABŞ konvoyunu ərazidən qovub.

Məlumata görə, ABŞ-ın son iki ildə Suriyanın neftlə zəngin bölgələrinə daha çox əsgər və texnika göndərərək varlığının artması, bu ölkə əhalisinin neftinin ABŞ və onun əməkdaşları tərəfindən oğurlanma sürətini artırıb.

ABŞ ordusu və onun terrorçu ünsürləri uzun müddətdir ki, Suriyanın şimalında və şərqində qeyri-qanuni mövcuddur. Onlar ölkənin neft ehtiyatlarını və taxıllarını talayır, həmçinin bu ərazilərin sakinlərinə və Suriya qüvvələrinə hücum edirlər.