Qasim Süleymaninin qızı, Beyrutda atası üçün təşkil olunan mərasimə qatılıb.

Rasthaber Azərbaycan xəbər verir ki, İran İnqilab Keşikçiləri Korpusu “Qüds” briqadasının sabiq komandiri Qasim Süleymaninin qızı, Beyrutda atası üçün təşkil olunan mərasimə qatılıb.

Mərasimdə çıxış edən Zeynəb Süleymani “Cənubi Livandakı mücahidlər bizi daha da cəsarətləndirdi. Süleymani adına, siz haqq, din və “Fuztu və Rabbil Kaba” (Kəbənin Rəbbinə and olsun nicat tapdım) nidası ilə gəldim. Cənubi Livandakı mücahidlər cəsarətimizi artırır və düşmənlərimiz gənclərimizin cəsarətsiz olmasını istəyirlər. Amma sizlər düşmənlərin pis və məkrli hədəflərinə çatmasına maneə olursuz.”, -deyə bildirib.

Daha sonra o deyib: “Bizi öldürün, bizi öldürün ki, qollarımız İslama xidmət və yardım üçün kəskin bir Zülfüqar qılıncına dönsün”.

Süleymaninin qızı daha sonra “Şəhidləriniz və şəhidlərimiz, İslamı və dəyərləri qoruyan İslam şəhidləridir. Sizlər İslam əsgərləri və onun müdafiəçilərisiniz. Sizlər İmam Xomeyninin əsgərlərisiniz. Sizlər inqilabsınız və şəhid ailələrinin qəlbləri sizinlə həyat tapmaqdadır.”, -deyə əlavə edib.