Səudiyyə rəsmilərinin son illərdə öz torpaqlarına gələn əcnəbiləri edam etməsi ilə bağlı şok rəqəmlər açıqlanıb.

Az.rasthaber.com "İslamazeri.com"a istinadən xəbər verir ki, Avropa İnsan Haqları Təşkilatının məlumatına görə, Səudiyyə Ərəbistanında 2015-2021-ci illər arasında həyata keçirilən edam rəqəmləri bütün edamların təxminən 40 faizini təşkil edib.

Məlumatda bildirilib ki, Səudiyyə Ərəbistanı 2015-ci ildən 2021-ci ilin sonuna qədər müxtəlif millətlərdən olan 361 əcnəbini edam edib. 

Təşkilatın sənədlərinə əsasən, edam edilən şəxslər əsasən Pakistan, Yəmən, Suriya, Misir, İordaniya, Efiopiya, Nigeriya, Çad, Hindistan, İndoneziya, Filippin, İraq, Şri-Lanka, Sudan, İran, Myanma, Fələstin, Eritreya, Somali, Bəhreyn, Banqladeş, Qətər, Keniya, Cibuti, Türk, Əfqan, Mali və s. millətlərdən olan əcnəbilər olub.