BSQ-ın yeni komandanı isə Baş Qərargah rəisinin müavini Mutlak bin Salem Ali-Əzim təyin edilib.
Rasthaber Azərbaycan xəbər verir ki, Səudiyyə Ərəbistanı Birləşmiş Silahlı Qüvvələrinin (BSQ) komandanı Fəhd bin Turki Ali-Səud qurumdakı mümkün maliyyə fırıldaqlarının araşdırılmasının fonunda istefaya göndərilib.
“Kral general-leytenant Fəhd bin Turkini təqaüdə göndərməyə və onun barəsində araşdırmanın başladılmasına, həmçinin əl-Cauf əyalətinin hakim müavini şahzadə Əbdül Əziz bin Fəhd Ali-Səudun da istefaya göndərilməsinə dair qərar qəbul edib”, – deyə Səudiyyə Ərəbistanı kralı Salman bin Əbdül-Əziz Ali-Səudun fərmanında deyilir.
Kral qeyd edilmiş şəxslərin, həmçinin bir sıra zabitlər və nazirliyin dövlət qulluqçularının barəsində araşdırılmanın başladılmasını tapşırıb.
BSQ-ın yeni komandanı isə Baş Qərargah rəisinin müavini Mutlak bin Salem Ali-Əzim təyin edilib.
Xatırladaq ki, mart ayında krallıqda 300 nəfər, o cümlədən də Müdafiə Nazirliyinin 8 və DİN-in 29 əməkdaşı korrupsiyada şübhəli bilinərək tutulub.
