Səudiyyə Koalisiyasının hücumları davam etməkdədir

Rasthaber Azərbaycan İran mediasına istinadən xəbər verir ki, səud koalisiyasının qırıcıları iki gündür Yəmənin mərkəzində yerləşən Əl-Beyza vilayətinə və bu ölkənin şimalında Qaniyyə bölgəsi, Nate və Əl-Səvadiyyə şəhərlərinə 12 dəfə Hava zərbələri endirib. 

Qeyd olunur ki,  Əl-Couf sərhəd vilayəti də 7 dəfə Hava hücumuna məruz qalıb və bu hücumların çoxu Əl-Couf vilayətinin şərqində "Xəbu Əş-Şəf" şəhərini hədəfə alıb.

Koalisiya qırıcıları, həmçinin bu müddət ərzində Məarib vilayətinin şimal-şərqində yerləşən "Məczər" şəhəri, Yəmənin qərbində Həccə vilayətinin "Əbəs" şəhərini və bu ölkənin şimalında "Sədə" sərhəd vilayətində Kətaf şəhərini də bombalayıb.