Bildirilib ki, son 24 saat ərzində 40 yaralı əsgər Qəzzadan İsraildəki xəstəxanaya köçürülüb.

Az.rasthaber.com xəbər verir ki, “Maariv” qəzetinin internet saytında açıqlanan xəbərdə son 24 saatda ölkənin cənubundakı Soroka xəstəxanasına 40 yaralı əsgərin gətirildiyi bildirilib.

Xəbərdə Qəzzada əsirlərin xilas edilməsi "əməliyyatı"nda yaralanan 2 əsgərin də eyni xəstəxanada reanimasiyaya aparıldığı bildirilib.

Yaralanan əsgərlərdən 10-nun vəziyyətinin ağır olduğu bildirilib.

İsrail ordusu əvvəlki açıqlamasında Qəzzada HƏMAS-ın saxladığı məhbusların xilas edilməsi üçün həyata keçirilən "əməliyyat"ın uğursuzluğa düçar olduğunu təsdiqləyərək, prosesdə 2 əsgərin ağır yaralandığını bildirmişdi.

HƏMAS-ın hərbi qanadı İzzəddin əl-Qəssam Briqadaları əsirləri xilas etmək cəhdinin uğursuzluğa düçar olduğunu və İsrailin əsir əsgər Saar Baruçun münaqişədə öldüyünü göstərən video yayımlayıb.