Sionist İsrail ordusu işğal altındakı Qəzza zolağının müxtəlif bölgələrinə artilleriya və PUA hücumlarını davam etdirib. Hücumlar nəticəsində daha 16 fələstinli şəhid olub.

Az.rasthaber.com xəbər verir ki, yerli mənbələrdən alınan məlumata görə, soyqırım törədən İsrail ordusunun Qəzzanın şimalındakı Beyt Lahiyaya təşkil etdiyi artilleriya hücumlarında 11 nəfər şəhid olub, çoxlu sayda insan yaralanıb.

Qatil İsrail ordusunun Qəzza şəhərinin Şucaiyye bölgəsinə təşkil etdiyi hava hücumunda 2 fələstinli şəhid olub.

Qəzza zolağının mərkəzi bölgəsində Nusayrat Qaçqınlar Düşərgəsinə pilotsuz uçuş aparatı (PUA) ilə təşkil edilən hücumda 2 nəfər, cənubdakı Rəfah şəhərinə PUA hücumunda isə 1 nəfər şəhid olub.