Dünən səhər saatlarından etibarən İsrailin Qəzza zolağına təşkil etdiyi hücumlarda aralarında yardım gözləyən mülki vətəndaşların da olduğu ən azı 59 fələstinlinin şəhid olduğu bildirilib.

Az.rasthaber.com xəbər verir ki, Fələstin Səhiyyə Nazirliyinin paylaşdığı məlumatlara görə, dünən İsrailin Qəzzaya endirdiyi hava hücumları nəticəsində ən azı 59 nəfər şəhid olub. Ölənlər arasında yardım paylama məntəqələrində gözləyən mülki şəxslərin də olduğu bildirilib.

Xəstəxana mənbələrindən və hadisə şahidlərindən alınan məlumata görə, Qəzza şəhərinin şərqindəki Tuffah məhəlləsindəki Şaban əl-Riys məktəbinin yaxınlığında bir qrup mülki şəxsin pilotsuz uçuş aparatının (PUA) hədəf alması nəticəsində 10 nəfər ölüb, çox sayda insan yaralanıb.

Eyni zamanda Qəzzanın qərbində yerləşən Şati Qaçqınlar Düşərgəsi yaxınlığında İsrail Hərbi Dəniz Qüvvələrinin açdığı atəş nəticəsində 1 fələstinli balıqçı həlak olub, 1 nəfər isə yaralanıb.

İsrail ordusunun Netzarim dəhlizi yaxınlığında İsrail-ABŞ rəhbərliyi altında sözdə humanitar yardım mərkəzlərində gözləyən fələstinlilərə açdığı atəş nəticəsində 1 nəfər şəhid olub, 43 nəfər yaralanıb.

Qəzzanın cənubundakı Xan Yunisin Əl-Məvasi bölgəsində səhər saatlarında məcburi köçkün fələstinlilərin qaldığı çadırlara pilotsuz təyyarənin hücumu nəticəsində 3 nəfər, eyni bölgədə 2 partlayışda 3 nəfər daha, Şeyx Nasir məhəlləsinə isə artilleriya hücumu nəticəsində 1 nəfər həlak olub.

Xan Yunusda humanitar yardım mərkəzi deyilən əraziyə toplaşan mülki şəxslərə atəş açılarkən daha 2 fələstinli şəhid olub, çoxlu sayda insan yaralanıb.

Yerli mənbələr İsrail ordusunun gecə boyu Qəzzanın şimalındakı Cibaliya bölgəsindəki Məsud küçəsi ətrafındakı binaları və evləri partlatdığını və dağıtdığını bildirib.

Sionist İsrail ordusunun Qəzzanın şimalındakı Saftavi bölgəsində köçkünlərə sığınacaq verən Usamə bin Zeyd məktəbinə təşkil etdiyi hücumda 5-i uşaq olmaqla 8 fələstinli şəhid olub, çoxlu sayda insan yaralanıb.

İsrail ordusunun Qəzza zolağının şimalındakı Cibaliyyədə bir evi hədəfə aldığı hücumda 2 fələstinli, Qəzzanın cənub-qərbindəki Nabulsi qovşağında kömək gözləyən insanları hədəf alan hücumda 3 nəfər şəhid olub.

İsrail ordusunun Qəzzanın mərkəzindəki Bureyc Qaçqınlar Düşərgəsində mülki əhalinin toplaşdığı yeri hədəf aldığı hücumda 6 nəfər şəhid olub, 11 nəfər yaralanıb.

İsrailin Qəzza zolağının mərkəzində yerləşən Əl-Bureyc Qaçqınlar Düşərgəsi və cənubda Xan Yunisdə mülki şəxsləri hədəf alan hava hücumları nəticəsində 9 fələstinli şəhid olub, çoxlu sayda insan yaralanıb.

Səhiyyə rəsmiləri və hadisə şahidləri də İsrailin Qəzza şəhərindəki Fələstin stadionunun şimalındakı köçkünlərin çadırlarını hədəf alan bombardmanları nəticəsində 10 fələstinlinin şəhid olduğunu, çox sayda insanın isə yaralandığını və itkin düşdüyünü bildirib.

Hadisə şahidləri, İsrailin bombardmanının açdığı dəliyin çox sayda köçkünə məxsus parça və neylondan hazırlanmış çadırları və içindəkiləri udduğunu, bombardmanda itkin düşənlərin axtarışlarının davam etdiyini bildirib.