Rusiya Xarici İşlər Nazirliyinin sözçüsü Mariya Zaxarova ABŞ-ı taxıl müqaviləsi ilə bağlı riyakarlığa və yalana son qoymağa çağırıb.
Az.rasthaber.com xəbər verir ki, rəsmi Moskva ABŞ dövlət katibi Antoni Blinkenin Rusiyanın taxıl müqaviləsindən şantaj vasitəsi kimi istifadə etməsi ilə bağlı ittihamına cavab verib.
ABŞ və digər Qərb ölkələrini taxıl müqaviləsi ilə bağlı yalan danışmağa, faktları təhrif etməyə və riyakarlığa son qoymağa çağıran Zaxarova deyib:
"Qərb liderləri Qara dəniz təşəbbüsünün “dünyanı aclıqdan xilas edəcəyini” iddia edirlər. Bununla belə, qlobal taxıl ixracı 422,4 milyon ton olduğu halda, təxminən 33 milyon ton taxıl Ukrayna limanlarından ixrac edilib".
Rusiyanın taxıl sazişinə ancaq Moskvanın tələbləri yerinə yetirildikdən sonra qayıdacağını vurğulayan Zaxarova, onların bəzilərinin Rusiya kənd təsərrüfatı məhsullarının ixracında xidmət göstərən Rosselhozbank-ın törəmə müəssisəsinin SWIFT sisteminə reinteqrasiyası, Rusiya şirkətlərinin xaricdəki aktivlərinə çıxışı bərpa etmək və nəqliyyat sığortasını təmin etmək olduğunu xatırladıb.
