Rusiya Hökuməti Rusiya Xarici İşlər Nazirliyinin ölkənin Ümumdünya Turizm Təşkilatından çıxması ilə bağlı təklifini qəbul edib.

Az.rasthaber.com SalamNews-a istinadən xəbər verir ki, müvafiq sərəncam hüquqi informasiyanın rəsmi internet portalında dərc olunub.

"Rusiya Federasiyasının beynəlxalq müqavilələri haqqında" federal qanunun 36-cı maddəsinə uyğun olaraq, Rusiya Xarici İşlər Nazirliyinin Rusiya Federasiyasının Ümumdünya Turizm Təşkilatından çıxması ilə bağlı federal icra hakimiyyəti orqanları ilə razılaşdırılmış təklif qəbul edilsin" deyə sərəncamda bildirilir. 

Aprelin 27-də Rusiya fəaliyyətini siyasiləşdirdiyinə görə Ümumdünya Turizm Təşkilatından çıxmaq niyyətini açıqlayıb.