Bəqai əlavə edib: “Amerika İrana və digər ölkələrə müdaxilələrinə görə cavab verməlidir. Bu məsələnin 29 mordad çevrilişindən, tətbiq edilən müharibədən, Airbus sərnişin təyyarəsinin vurulmasından və onilliklər ərzində İrana təzyiq etmək üçün tətbiq edilən qeyri-qanuni müdaxilələr və sanksiyalardan tarixi kökləri var.”
Mətbuat katibi deyib: “Çox əvvəldən Suriya müxalifət hərəkatları ilə əlaqə saxlayırdıq və bildirdik ki, Suriyaya girişimizin səbəbi İŞİD-in irəliləməsinin və terrorun bölgə ölkələrinə yayılmasının qarşısını almaqdır. Həmçinin Suriyada siyasi proseslərin irəliləməsinə kömək etdik. Bu fəaliyyətlərdən əvvəl biz bu müxalifət qruplarının bəziləri ilə əlaqə saxlayırdıq, lakin Suriyadakı hazırkı hakimiyyətlə birbaşa əlaqəmiz yoxdur.”
Bəqai açıqlamasının davamında bildirib: “2007-ci ildən Birləşmiş Millətlər Təşkilatının Baş Assambleyası sionist rejiminə ekoloji məsələlərə əməl etmək məsuliyyətini xatırladıb. Digər məsələ Fələstin xalqının öz torpaqlarının təbii sərvətlərinə sahiblik hüququdur. Fələstinin yeraltı sərvətləri hücuma məruz qalıb. Son qətnamə də Fələstin xalqının öz müqəddəratını təyinetmə hüququnun çərçivəsi ilə bağlıdır.”
 

İran Xarici İşlər Nazirliyinin sözçüsü Azərbaycan Respublikasının D-8 iqtisadi təşkilatına üzvlüyü ilə bağlı bildirib: Biz qonşuluq siyasəti çərçivəsində Azərbaycan Respublikasının D-8 təşkilatına üzv olmaq istəyini dəstəklədik və ümid edirik ki, bu ölkənin D-8 təşkilatında olması İslam ölkələri arasında əlaqələrin inkişafına və möhkəmlənməsinə kömək edəcək.
İranın Xarici İşlər Nazirliyinin mətbuat katibi İRNA müxbirinin Suriyadakı hakim qruplaşmanın Türkiyədən İrana mesaj göndərib-göndərməməsi ilə bağlı sualına cavab olaraq deyib: “Çoxtərəfli narahatlıqları müzakirə etmək üçün çoxtərəfli görüşlərdən istifadə edirik. İran və Türkiyə arasında danışıqların gündəmində olan mövzulardan biri də Suriya məsələsidir.”
Bəqai əlavə edib: “Bununla bağlı bizim mövqeyimiz Suriyanın suverenliyinin və bütövlüyünün qorunması, təbii ki, Suriya xalqının xarici müdaxilə olmadan taleyini müəyyən etməsi və qərarlar qəbul etməsidir. Suriyada baş verən proseslərdə iştirak edən tərəflərin praktikada buna əməl etməsi vacibdir.”Bəqai İRNA-ya verdiyi cavabın davamında bildirib: “Suriyanın terrorizmin böyüdüyü məkana çevrilməməsi və bütün ölkələrin region ölkələrindəki hər hansı növ təhlükənin regionun digər ölkələrinə də sirayət edəcəyi qənaətinə gəlmələri vacibdir.”