Aclıqdan silah kimi istifadə edən sionist İsrail Qəzzada 66 uşağın qidaya çıxışını əngəlləyərək ölümünə səbəb olub.

Az.rasthaber.com xəbər verir ki, Qəzza hökuməti, soyqırımçı İsrailin sərhəd qapılarını bağlaması və qidanın ölkəyə girişinə mane olması nəticəsində qida çatışmazlığı səbəbindən həyatını itirən uşaqların sayının 66-ya yüksəldiyini açıqlayıb. Media Ofisi İsrailin aclıqdan silah olaraq istifadə etməyə davam etdiyini açıqlayıb.

Fələstin hökumətinin Qəzzadakı Media Ofisi mövzu ilə bağlı yazılı açıqlama verib. Açıqlamada, qatil İsrailin sərhəd qapılarını bağlaması və uşaq qidası və qida əlavələri ilə qidaların ölkəyə girişinə mane olması səbəbiylə ağır qida çatışmazlığı səbəbiylə həyatını itirən uşaqların sayının 66-ya yüksəldiyi bildirilib.

Bəyanatda bu addımlar “müharibə cinayətləri və insanlığa qarşı cinayətlər” kimi səciyyələndirilib və aşağıdakı ifadələrdən istifadə olunub:

"Bu təcrübə göstərir ki, İsrail işğalı aclıqdan silah kimi istifadə edərək mülki insanları, xüsusilə də uşaqları məhv etməyi hədəfləyir. Bu, beynəlxalq humanitar hüququn və Cenevrə Konvensiyasının açıq şəkildə pozulmasıdır. Biz beynəlxalq ictimaiyyətin bu biabırçı susqunluğunu pisləyirik".

Bəyanatda uşaqlara qarşı törədilən bu “aclıq cinayəti”nə görə birbaşa İsrailin məsuliyyət daşıdığı, soyqırımı dəstəkləyən və bu soyqırımı törədən dövlətlərin, ilk növbədə ABŞ, İngiltərə, Fransa və Almaniyanın faktiki olaraq bu ağır pozuntularda şərik olduğu diqqətə çatdırılıb.

Həmas da mövzu ilə bağlı yazılı açıqlama verib.

Açıqlamada, "Aclıq və qida çatışmazlığı Qəzzalı uşaqları məhv edir. Müharibə cinayətkarı Netanyahu hökumətinin həyata keçirdiyi sistematik aclıq siyasəti və blokadanın səbəb olduğu aclıq səbəbiylə 66-dan çox uşaq həyatını itirib" deyilir.

Bəyanatda aclıq, bombardman və qırğınlarla günahsız uşaqları və dinc sakinlərin hədəf alınmasının beynəlxalq hüquqa və bütün bəşəri dəyərlərə zidd olduğu qeyd edilərək, dünyanın İsrailin davam edən aclıq siyasətini dayandırması üçün təcili addım atmalı olduğu vurğulanıb.