Qətər Qəzza zolağında humanitar fasilənin 2 gün uzadılması ilə bağlı razılığın əldə edildiyini açıqlayıb.

Az.rasthaber.com xəbər verir ki, Qətər Xarici İşlər Nazirliyinin sözçüsü Məcid əl-Ənsari “X” sosial media hesabında verdiyi açıqlamada “Həmas” ilə İsrail arasında aparılan vasitəçilik səyləri nəticəsində humanitar fasilənin 2 gün daha uzadılmasına dair razılığa gəlindiyini bildirib.

“Həmas” da “Telegram” hesabından verdiyi məlumatda Qətər və Misirlə humanitar fasilənin daha 2 gün uzadılmasına dair razılığın əldə edildiyini təsdiqləyib.

Qəzza zolağına humanitar yardımın daxil olmasını və əsir mübadiləsini nəzərdə tutan 4 günlük humanitar fasilə noyabrın 24-də cümə günü səhər qüvvəyə minmişdi.