“Rasthaber” qəzetinin baş redaktoru Ziya Türkyılmaz məqaləsində Əl-Əqsa tufanı əməliyyatının Qərb və işğalçı sionist İsrail rejimi üçün nə demək olduğunu ifadə edib.
Bismillah
Əl-Əqsa tufanı əməliyyatı İsrailin parçalanmasına və məhv olmasına yol açdı. Bu əməliyyatın nə dərəcədə effektiv olduğunun ən bariz göstəricisi Qərb dövlətlərinin liderlərinin, xüsusən də ABŞ prezidentinin oktyabrın 7-dən dərhal sonra İsrailə ardıcıl ekspedisiyalarıdır. Bu tələskənliklər beyin tutması keçirən sionist rejiminə təsəlli vermək məqsədi daşıyırdı.
Qərblilər, xüsusən də ABŞ İsraildə hərbi əməliyyatların komandanlığını öz üzərinə götürüb. Bu, Əl-Əqsa əməliyyatının nə qədər öldürücü zərbə olduğunun və İsrailin artıq köhnə İsrail ola bilməyəcəyinin ən bariz sübutudur.
Sionist rejimin dəhşətə gələn rəhbərləri Məscidül-Əqsa tufanının sarsıntısından, daha doğrusu, zəlzələsindən o qədər sarsıldılar ki, ABŞ və müttəfiqləri bu beyin ölümünün qarşısını almaq üçün öz donanmasını İsrail-Livan sahillərinə yerləşdirdilər. Müharibənin idarə edilməsi CENTCOM-a (Qərbi Asiya regionunda ABŞ Hərbi Dəniz Qüvvələri) verildi və nüvə stansiyalarına nəzarəti öz üzərinə götürmək üçün təcili olaraq işğal olunmuş ərazilərə ixtisaslaşdırılmış qruplar göndərildi. Bütün bunlar illərdir media vasitəsilə şişirdilmiş İsrail köpüyünün partladığını gizlətmək və rejimin qəfil dağılmasının qarşısını almaq üçün idi.
Və yenə məğlubiyyətin miqyasını ört-basdır etmək üçün beynəlxalq sionizmin komandanlığı altında olan media əməliyyatdan dərhal sonra səfərbər olundu və HƏMAS ilə bağlı yalanlar yaymaqla sionist quldur dəstələrinin başlayacağı qətllər üçün zəmin hazırlamağa başladılar. Onlar hazırladıqları ssenarilərlə, studiyalarda çəkilmiş saxta foto və videolarla guya mücahidlərin uşaqlara və qadınlara qarşı terror həyata keçirdiyini göstərmək istəyirdilər.
