İran İslam Respublikası ilə Azərbaycan Respublikası arasında Xudafərin və Qız Qalası bəndləri və elektrik stansiyaları ilə bağlı sazişin müddəalarının həyata keçirilməsi məqsədi ilə İran və Azərbaycanın Birgə Texniki Komissiyasının 13-cü iclası keçirilib.
Az.rasthaber.com xəbər verir ki, bu iclas İran İslam Respublikasından energetika nazirinin su məsələləri üzrə müavini Məhəmməd Cəvanbəxt və Azərbaycan Respublikasından energetika nazirinin müavini Elnur Sultanovun sədrliyi ilə hər iki ölkənin digər nümayəndələrinin və Şərqi Azərbaycan vilayətinin Regional Su Şirkətinin baş direktorunun iştirakı ilə Qız Qalası səddində keçirilib.
Bu görüşdə İran İslam Respublikası tərəfindən bəndlərin tikintisi prosesinin davam etdirilməsi və qalan işlərin başa çatdırılması və obyektlərin tikintisi ilə bağlı Azərbaycanın payına düşən borcların İran İslam Respublikasına ödənilməsi ilə bağlı zəruri danışıqlar aparılıb.
İran İslam Respublikası ilə Azərbaycan Respublikası arasında üçüncü birgə bənd olan Araz sərhəd çayında yerləşən Qız Qalası bəndi Xudafərin bəndinin 12 kilometr aşağısında iranlı mühəndislər tərəfindən inşa edilib. İndi 20 ilə yaxın vaxt keçdikdən sonra su israfının qarşısını almaq, regionun kənd təsərrüfatına olan tələbatını ödəmək və elektrik enerjisi istehsal etmək və iki ölkə arasında qardaşlıq münasibətlərinin möhkəmlənməsində körpü rolunu oynamaq üçün istifadə olunur.
