İsrailin Baş naziri Benyamin Netanyahu son həftələrdə paytaxt Tel-Əvivə qarşı raket və pilotsuz uçuş aparatı hücumlarını artıran Yəməndəki Husiləri təhdid edib.

Az.rasthaber.com xəbər verir ki, Baş nazir Netanyahu Hanuka bayramı münasibətilə “X” platformasındakı hesabından açıqlama verib. O, “Düşmənlərə və buradakı həyatımızı məhv edəcəklərini düşünənlərə hücum edirik. Bu, hər kəs üçün keçərli olacaq” ifadəsini işlədib.

Husilərə qarşı təhdidlər səsləndirən Netanyahu “Husilər də HƏMAS, Hizbullah, Əsəd rejimi və digərlərinin öyrəndiyini öyrənəcək. Vaxt aparsa da bu dərsi bütün Yaxın Şərq öyrənəcək”,- deyə təhdidlər səsləndirib.

Xatırladaq ki, noyabrın 21-də Beynəlxalq Cinayət Məhkəməsi İsrailin Baş naziri Benyamin Netanyahu və sabiq müdafiə naziri Yoav Qallantın həbsinə order verib.

Beynəlxalq Cinayət Məhkəməsi “Qəzza zolağında müharibə cinayətləri ilə əlaqədar” hər iki şəxsin həbsinə order verib.