Oktyabrın 7-dən bəri işğal altındakı İordan çayının qərb sahili və Şərqi Qüdsdə İsrail qüvvələri tərəfindən saxlanılan fələstinlilərin sayı 4655-ə çatıb.

Az.rasthaber.com xəbər verir ki, Fələstinli Əsirlər Dərnəyi və Fələstin Azadlıq Təşkilatına (FAT) bağlı Fələstin Əsir İşləri Komitəsindən birgə yazılı açıqlama verilib.

Açıqlamada İsrailin oktyabrın 7-dən etibarən Qəzza zolağına hücumlarının, eləcə də İordan çayının qərb sahilində fələstinlilərə qarşı artan reydlərinin və həbslərinin davam etdiyi bildirilib.

Açıqlamada İsrail qüvvələrinin daha 25 fələstinlini saxladığı oktyabrın 7-dən etibarən işğal altındakı İordan çayının qərb sahili və Şərqi Qüdsdə həbs edilən fələstinlilərin sayının 4655-ə yüksəldiyi bildirilib.

Həmçinin qeyd olunub ki, saxlanılan şəxslər və onların yaxınları döyülüb, hədələnib, evləri təxrib edilərək dağıdılıb.