İsrail əsgərlərinin işğal altındakı İordan çayının qərb sahilindəki Cenin şəhərinə basqın etməsi nəticəsində 14 fələstinli həlak olub.

Az.rasthaber.com xəbər verir ki, Fələstin Səhiyyə Nazirliyinin dünən yaydığı bəyanatda Cenin şəhərinin Əş-Şərki rayonunda iki avtomobilin vurulduğu, hücumda 5 fələstinlinin həyatını itirdiyi və yaralananların olduğu bildirilib.

İşğal altındakı İordan çayının qərb sahilinin müxtəlif bölgələrində son 24 saatda həyata keçirilən basqın və hücumlarda həyatını itirən fələstinlilərin sayı 14-ə yüksəlib.

İsrailin işğal altındakı İordan çayının qərb sahili və Şərqi Qüdsdəki fələstinlilərə qarşı hücumlarında artım müşahidə olunur.

İsrail əsgərləri və yəhudilərin 2023-cü il oktyabrın 7-dən bəri işğal altındakı İordan çayının qərb sahili və Şərqi Qüdsdə törətdiyi hücumlar nəticəsində 620 fələstinli həyatını itirib, 5 mindən çox fələstinli də yaralanıb.