Oktyabrın 7-dən etibarən Qəzzada qırğınları Rəfah şəhərində davam etdirən işğalçı İsrail ordusu Qəzza zolağının şimalında yerləşən Cəbəliyə düşərgəsində fələstinli qaçqınların sığınacaqlarını dağıdıb.
Az.rasthaber.com xəbər verir ki, Əl-Məyadin-in verdiyi məlumata görə, sionist rejim ordusu Qəzzanın cənubundakı Rəfah şəhərinin qərbində quru və hava hücumlarında fələstinlilərin evlərini yıxıb və onların köçmək məcburiyyətində qaldıqları şəhərin təhlükəsiz bölgə olduğunu iddia edib.
Qəzzanın şərqindəki Tuffah rayonunda yaşayış məntəqələrinin bombalanması nəticəsində 4-ü uşaq və 3-ü qadın olmaqla azı 9 şəhid olub, çoxlu sayda insan yaralanıb. Ötən saatlarda Qəzza zolağının mərkəzindəki əl-Maqazi düşərgəsi də bombalanıb.
Rejimin artilleriya bölmələri bu zolağın mərkəzində yerləşən Nüseyrat düşərgəsinin şimal bölgələrini də atəşə tutub.
