Qasim Süleymaninin Əhvaz, Məşhəd, Tehran, Qum və Kerman şəhərlərindəki vida mərasimlərində 25 milyon insan iştirak edib.

Rasthaber Azərbaycan İran mediasına istinadən xəbər verir ki, İran İslam İnqilabı Keşikçiləri Korpusunun Qüds güclərinin komandanı general Qasim Süleymaninin  Əhvaz, Məşhəd, Tehran, Qum və Kerman şəhərlərindəki vida mərasimlərində 25 milyon insan iştirak edib.

Bu haqda mediaya İran İslam İnqilabı Keşikçiləri Korpusunun sözcüsü Briqada generalı Rəməzan Şərif deyib.

"İnsanların vida mərasimində bu cür iştirakı Amerika üçün aydın bir mesajdır ki, İran xalqı vahid şəkildə amerikalılarla mübarizənin aparılmasını istəyir. Onlar Sepah-dan istəyirlər ki, Amerikanı bütün səhnələrdə məğlub etsin.", -deyə  Rəməzan Şərif  bildirib.

SEPAH sözcüsü deyib ki,  Qərbi Asiyanın gələcəyi amerikalılarsız, bu bölgədəki böyük ölkələrin və xalqların istiqlaliyyəti ilə olacaq.

"Bu yolun sonu, sionist rejimin məhvi və Fələstin xalqının hakimiyyəti olacaq.", -deyə o əlavə edib.