Qəzzada hökumətin verdiyi açıqlamada soyqırımçı İsrailin son 24 saatda həyata keçirdiyi 34 hava hücumunda 71 fələstinlinin şəhid olduğu, onlarla fələstinlinin yaralandığı bildirilib.
Az.rasthaber.com xəbər verir ki, Qəzza hökumətinin Media Ofisindən verilən yazılı açıqlamada, qatil İsrail ordusunun Qəzza zolağında müdafiəsiz insanları hava hücumları ilə bombalamağa davam etdiyi bildirilib.
Sionist İsrailin son 24 saat ərzində həyata keçirdiyi 34 hava hücumunda 71 fələstinlinin şəhid olduğu, onlarla insanın yaralandığı qeyd edilib.
Qəzzada dinc əhali və infrastrukturu hədəf alan bu hava hücumlarının qatil İsrailin qaranlıq tarixçəsinə əlavə olunan dəhşətli cinayətlər olduğu bildirilib.
Soyqırımçı İsrailin son 24 saat ərzində həyata keçirdiyi hava hücumlarından sonra imkanları çox məhdud olan xəstəxanaların yaralılarla dolduğu, işğalçı İsrail ordusunun mülki müdafiə qruplarının meyitlərə çatmasına mane olduğu vurğulanıb.
Şimaldakı Qəzza şəhəri başda olmaqla bir çox bölgəyə endirilən hava hücumlarında həyatını itirənlərin cəsədlərinin hələ də küçələrdə və dağıntılar altında olduğu, qatil İsrailin cəsədlərin toplanmasına belə icazə verməyərək beynəlxalq hüquqa zidd hərəkətlərini davam etdirdiyi bildirilib.
Bəyanatda həmçinin sionist İsrail ordusunun Qəzza zolağında Fələstin xalqına qarşı soyqırımını 454 gündür davam etdirdiyi qeyd edilib və beynəlxalq ictimaiyyətdən öz öhdəliklərini yerinə yetirmək və Fələstin xalqına qarşı bu müharibəni dayandırmaq istəyib.
