Ev dustaqlığında olan Qabonun devrilmiş prezidenti Əli ben Bonqo Ondimbanın xaricə səfər imkanı yaranıb.

Az.rasthaber.com APA-ya istinadən xəbər verir ki, bu barədə Qabonun keçid prezidenti, general Bris Oliqa Nguemanın bəyanatında deyilir.

"Əli ben Bonqo Ondimba hərəkətlərində sərbəstdir və istəsə xaricə də səyahət edə bilər".

Avqustun 30-da Qabonun bir qrup yüksək rütbəli hərbi məmuru milli televiziya ilə hakimiyyəti ələ aldıqlarını elan etdilər.

Üsyanda Oliq Nguemanın başçılıq etdiyi Respublika Qvardiyasının üzvləri, ordu, təhlükəsizlik və polis əməkdaşları iştirak ediblər.